Роналдо „го избрка“ од Ал Наср, па сега му стана тренер на – Елиф Елмас! (ФОТО)
Сопственикот на Наполи, Аурелио Де Лаурентис запна и успеа да донесе нов тренер за кратко време, само што сè уште нема детали околу тоа колку сезони ќе трае ангажманот.
„Де Лаурентис со задоволство објавува дека Руди Гарсија ќе биде нов тренер на Наполи. Најискрено добредојде за него и со среќа“, пишува во краткото соопштение од клубот.
✍️ Rudi García è il nuovo allenatore del Napoli!
Benvenuto Mister 👋 pic.twitter.com/aYjOVpGDP9— Official SSC Napoli (@sscnapoli) June 15, 2023
Гарсија беше тренер на Ал Наср од почетокот на 2022/23 сезона, но на средината на април беше јавено дека „спогодбено се разделиле“. На таа спогодба претходеа лоши односи со Роналдо, така што неофицијалната вистина е дека Португалецот имал удел во смената на Гарсија.
Во Иалија не доаѓа без искуство од Серија А, бидејќи беше тренер на Рома од 2013 до 2016, сè додека не беше избркан во јануари, иронично, за да дојде на негово место – Лучано Спалети.
Тренерот кој ги водеше до шампионската титула Елмас и соиграчите, неофицијално, влезе во конфликт со сопственикот Де Лаурентис, затоа што овој побрза да ја активира клаузулата за продолжување на договорот, без да го консултира или да му понуди покачување по епохалниот успех.
