РЕГУЛАТОРНА ГИ НАМАЛИ ЦЕНИТЕ – Дизелот најмногу поевтинува, еве ги новите цени
Регулаторната комисија за енергетика донесе Одлука со која се намалуваат малопродажните цени на нафтените деривати во просек за 1,60 отсто во однос на претходната одлука.
– Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,541 отсто, кај дизелот за 1,152 проценти, кај екстра лесното масло за 1,318 отсто и кај мазутот има намалување за 2,660 проценти. Курсот на денарот во однос на доларот во изминатиот период по кој беа формирани цените со претходната пресметка е понизок за 0,077 отсто – појаснуваат регулаторите во соопштението.
Малопродажната цена на Еуродизел (Д-Е V) се намалува за 1,50 денар за литар, додека малопродажните цени на бензините Еуросупер БС-95 и Еуросупер БС-98 како и на Екстра лесното масло за домаќинство на (ЕЛ-1) се намалуваат за 0,50 денари за литар.
Малопродажната цена на Мазутот М-1 НС се намалува за 1,649 денари за килограм.
Од 21.3.2023 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 81,00 (денари/литар)
Моторен бензин Еуросупер БС – 98 83,00 (денари/литар)
Дизел гориво Еуродизел БС (Д-Е V) 74,00 (денари/литар)
Масло за горење Екстра лесно 1 (ЕЛ-1) 73,50 (денари/литар)
Мазут М-1 НС 38,130 (денари/килограм).
