![Регистрирани 22 случаи на голема кашлица во Македонија, најголем број заболени се деца!](https://novina.mk/wp-content/uploads/2024/02/kozle-bolnica-850x478.webp)
Регистрирани 22 случаи на голема кашлица во Македонија, најголем број заболени се деца!
Во Македонија се регистрирани вкупно 22 случаи на голема кашлица.
Според Институтот за јавно здравје, најмногу од заразените се во Скопје каде се регистрирани 16 лица, додека пак 3 се во Куманово, 2 во Гостивар и еден во Боговиње.
Заболените лица се на возраст од 1 месец до 23,5 години, додека пак најголем број заболени се деца на возраст до 4 години, односно 9 случаи (40,9%) припаѓаат на возрасната група под 1 година, а 8 (36,4%) се деца на возраст од 1 до 4 години.
Дистрибуцијата по пол покажува дека 10 лица се од машки пол, а 12 од женски.
Во однос на вакциналниот статус, 18 лица од заболените не се вакцинирани или се некомплетно вакцинирани согласно возраста и Календарот за имунизација. Два случаи се комплетно вакцинирани за возраста, додека пак за два случаи вакциналниот статус е непознат.