Реал се спаси од бламажа кај најслабата екипа во Евролигата
Огромна е разликата во квалитет меѓу двете екипи, но и покрај тоа малку недостасуваше францускиот тим да ја направи сензацијата на сезоната. Повеќе од три четвртини Асвел го диктираше темпото, водеше и со девет поени разлика, а во последниот квартал успеа да надополни двоцифрена негатива и да го однесе мечот во неизвесен финиш.
Реал со серија од 16-0 дојде до водство од 67-57, подоцна имаше и 70-59, ама Асвел го врати ударот и со кошот на Ли на 48 секунди пред крајот израмни на 74-74. Во следниот напад погоди Таварес, Луваву Кабаро не го искористи својот шут по што Кампацо реализира едно од двете слободни фрлања. На пет секунди пред крајот Ловерњ намали на само еден поен негатива, Љуљ потоа два пати беше непрецизен од истото место, но немаше време за Асвел да упати уште еден шут.
По овој триумф, Реал остана далеку на врвот со биланс 16/1, додека Асвел е на последната позиција со 2/15.
РЕЗУЛТАТИ
Анадолу Ефес – Фенербахче 84-89
Партизан – Виртус 75-77
Жалгирис – Макаби 70-78
Асвел – Реал 76-77
Панатинаикос – Црвена Звезда 82-65
Баерн – Валенсија 85-84
Олимпија Милано – Басконија 76-67
