Реал гази се по ред, Грците очајни на стартот на сезоната

Од почетокот на новата сезона, Реал е перфектен, сметајќи ги сите натпреварувања и во моментов се наоѓа во серија од десет победи или вкупно 11 ако се смета триумфот во пријателскиот меч со Далас Маверикс, одигран минатата недела. Аргентинците Дек и Кампацо го предводеа Реал, првиот беше најефикасен со 19 поени, а вториот постигна 18 поени и 9 асистенции. Далеку зад нив остана најдобриот стрелец на Жалгирис, Шмитс со 12 поени.

Исклучително лош старт на сезоната имаат грчките претставници Панатинаикос и Олимпијакос кои по три кола имаат по една победа на вкупно шест натпревари. Ако се има предвид дека играа меѓу себе во првото коло, единствениот триумф против странски ривал го оствари ПАО против Баерн минатата недела.

Денеска, двете грчки екипи доживеа убедливи порази. Панатинаикос беше без шанси кај Фенербахче и загуби со 69-83, а Олимпијакос едвај ја мина границата од 50 поени против Олимпија Милано (53-65).