РЕАКЦИИ ЗА ИЗБОРИТЕ ВО СРБИЈА: Ова е неприфатливо за земја која сака да се приклучи на ЕУ
Странските земји се јавија со реакции за изборите во Србија, каде граѓани обвинија за изборен грабеж, а во Белград синоќа имаше протести.
Германија оцени дека неправилностите кои ги утврдиле меѓународните набљудувачи на парламентарните избори во Србија се неприфатливи за земја која сака да се приклучи на Европската Унија(ЕУ), додека Вашингтон изрази желба за понатамошна соработка на јакнењето на демократијата.
„Србија гласаше, но ОБСЕ пријави случаи на неовластено користење јавни средства, заплашување гласачи и купување гласови“, објави германското Министерство за надворешни работи.
Портпаролот на Стејт департментот Метју Милер им кажа на новинарите дека САД сакаат „да продолжат да соработуваат со идната влада на Србија за да се зајакне демократското управување и правната држава и да се напредува на полето на регионалната стабилност“.
Високиот претставник на Европската унија за надворешна политика, Жозеп Борел, и европскиот комесар за проширување, Оливер Вархеји, изразија очекување дека надлежните државни органи на Србија ќе одговорат на транспарентен начин на веродостојните извештаи за нерегуларности на изборите, кои вклучуват наводи за нерегуларности на изборите во Белград.
Кремљ изрази задоволство поради победата на партијата на Вучиќ на изборите во Србија, нарекувајќи ја пријателска и братска земја.
Поддржувачи на опозицијата се собраа во центарот на Белград на протест со барање да се расчисти прашањето со резултатите од изборите во српската престолнина во чија регуларност се сомневаат. Најавено е дека вечерва ќе има нови протести.
foto EPA
