Расте бројот на загинати во разорниот земјотрес во Непал: „Луѓето се уште се закопани под урнатините“

Најмалку 157 лица загинаа во силниот земјотрес во Непал, соопшти денеска полицијата во главниот град Катманду.

Портпаролот на полицијата за германската новинска агенција ДПА изјави дека се повредени и 170 лица. Според мерењата на Националниот центар за следење земјотреси NEMRC, земјотресот со јачина од 6,4 степени според Рихтер се случил во петокот во 23:47 часот по локално време. Американскиот геолошки институт измери магнитуда од 5,6 степени.

Серија последователни потреси

Областа беше погодена од последователни потреси со јачина од 4,2 степени во следниот час.

Земјотресот може да се почувствува и на северот на соседна Индија, вклучувајќи го и главниот град Њу Делхи, објавија Тајмс оф Индија и други индиски медиуми.

Областа на Хималаите, каде што се наоѓа Непал, е геолошки исклучително активна, пренесува Index.hr.

„Луѓето се уште закопани под урнатините“

Индиската тектонска плоча се спушта под евроазиската со брзина од околу два сантиметри годишно, што доведува до силни земјотреси.

„Имаме извештаи дека многу луѓе се уште се затрупани под урнатините“, изјави претставник на локалните власти во областа Јајаркот, во близина на епицентарот на земјотресот.

Премиерот веднаш дојде да ги посети настраданите