Радев: Надворешниот притисок врз Бугарија за укинување на ветото за Македонија не престана
Надворешниот притисок врз Бугарија да го укине ветото на патот на Северна Македонија кон членство во Европската унија не престана, изјави претседателот Румен Радев.
Шефот на државата на почетокот на неделава испрати писмо до европските лидери во кое повикува пристапот на Скопје во ЕУ да се заснова на исполнување на критериумите за членство, а не на лобистичка политика.
Претседателот беше категоричен дека Бугарија сака РСМ што поскоро да влезе во ЕУ, не поради геополитички фактори, туку затоа што споделуваме историја од 13 века.
Тој нагласи дека Бугарија не треба да отстапи од својот став, а зеленото светло за ЕУ треба да се даде кога Скопје ќе го запише бугарскиот народ во уставот.
„Притисокот врз нашата земја да ги отвори вратите неверојатно растеше. Се сеќавам на овој период, речиси секој ден имав повик од европските лидери и државници преку океанот за укинување на ветото“, рече шефот на државата.
Бугарија не поставува нови услови, сакаме да се исполнат обврските што веќе ги има преземено, прецизира Радев.
