ПРОМЕНИ ВО АКЦИОНЕРСКАТА СТРУКТУРА НА „РЕПЛЕК“ – Душан и Владимир Пецовски се стекнаа со нови акции

Промени во акционерската структура на една од нашите поголеми фармацевтски компании „Реплек“.

За овие промени од компанијата уредно ја известија инвеститорската јавност преку Македонската берза.

„Постапувајќи согласно член 38 од Правилата за котација на Македонска берза АД Скопје. Реплек АД Скопје објавува промена на сопственоста над 5 отсто. Акционерот со над 5 отсто, претседателот на Управен одбор Пецовски Душан се стекна со нови 5 акции, со што поседува вкупно 3.110 или 12 отсто од вкупниот број на акции

Акционерот со над 5 отсто Туџарова-Трајковска Славица продаде 34 акции, со што поседува 2.735 акции или 10,55 отсто од вкупниот број на акции

Акционерот со над 5 отсто Пецовски Владимир се стекна со нови 5 акции, со што поседува вкупно 1.595 обични акции или 6,15 отсто од вкупниот број на акции“, се вели во објавата до Берзата.

Реплек АД објавува и дека членот на Управен одбор Котески Коста се стекнал со 5 акции, при што тој сега вкупно поседува 20 обични акции.