Претседателот Пендаровски положи цвеќе по повод 152 годишнината од раѓањето на Гоце Делчев
Претседателот Стево Пендаровски денеска во дворот на црквата „Свети Спас“ во Скопје положи свежо цвеќе на вечното почивалиште на великанот на македонското револуционерно дело и државност, Гоце Делчев, по повод 152-годишнината од неговото раѓање.
Во рамки на државниот настан, свежо цвеќе положија претставници на државниот врв, министри во Владата, претставници на Собранието и претставници на политичките партии и граѓански здруженија.
