Претседателот на ФИА е под истрага, влијаел на резултати во Ф1!
Претседателот на ФИА интервенирал да се избрише казната која му беше дадена на Фернандо Алонсо во 2023 година на трката за ГН на Саудиска Арабија.
Засега нема реакција од Бен Сулејман или ФИА на овие обвинувања за кои Етичкиот комитет на ФИА започна истрага и ќе бидат потребни четири до шест недели за извештајот да биде објавен.
Информацијата е добиена од „свиркач“, тој имал информација дека Бен Сулејан му се јавил на шеикот Абдула бин Хамас бин Иса Ал Калифа кој е претседател за спорт на ФИА за регионот на Блискиот Исток и Северна Африка и му рекол дека смета дека казната на Алонсо треба да биде поништена.
Алонсо тогаш доби казна од 10 секунди за работа извршена врз неговиот болид додека служеше казна од пет секунди од претходна казна. Поради казната Алонсо од третото место падна на четвртата позиција, но по реакцијата на претседателот на ФИА, казната беше поништена и тој беше вратен на подиумот.
