ПОЗНАТИОТ ГЕРМАНСКИ СИНЏИР НА ПРОДАВНИЦИ ПРИСТИГНА ВО СОСЕДСТВОТО: Првата веќе почна со работа, најави и проширување

Еден од
најпопуларните германски ланци на супермаркети, Алди веќе пристигна во Србија,
а компанијата веднаш најави и проширување.

Алди веќе стартуваше
на 5 септември со отворањето на првиот дисконт во Панчево и првата продавница
за малопродажба ќе работи од 8 до 22 часот.

Како што пишуваат
српските медиуми, од новоотворениот синџир, добиле информација дека во текот на
оваа година планот е да се отворат вкупно три АЛБИ маркети во различни градови,
додека следната година планираат да отворат до десет дисконти низ Србија.

Алди е заедничко
име на компанија на две германски мултинационални семејни синџири на дисконтни супермаркети
кои имаат повеќе од 12.000 продавници во 18 земји. Ланецот е основан од браќата
Карл и Тео Албрехт во 1946 година, кога ја презеле продавницата на нивната
мајка во Есен. Бизнисот беше поделен на две одделни групи во 1960 година, кои
подоцна станаа Алди Норд, со седиште во Есен, и Алди Суд, со седиште во
соседниот Мулхајм.

Во 1962 година,
тие го вовеле името Алди, слоговна кратенка за Албрехт Дисконт).

Во Германија,
Aldi Nord и Aldi Süd се финансиски и правно одвоени од 1966 година. Секоја
компанија е во посебна сопственост и работи независно, но тие имаат договорен
бизнис една со друга.

фото: EPA-EFE/Bo Amstrup