Повредени две лица во сообраќајката што го затвори патот Велес-Градско
Две лица се повредени во сообраќајна несреќа се случи утрово меѓу две патнички возила и трактор на регионалниот пат Велес – Градско, на околу стотина метри по селото Ногаевци, соопштија од Секторот за внатрешни работи (СВР) Велес.
Во несреќата, според полицијата, се судриле две возила марки „голф“ и „форд“ и трактор без регистарски таблички.
Несреќата е пријавена околу 6 часот, а увид изврши увидна екипа од СВР Велес.
Констатирани се повреди кај возачот на тракторот и сопатникот во возилото „голф“, по што се пренесени на понатамошно лекување во велешката болница.
Како што претходно соопшти Авто-мото сојузот (АМСМ), сообраќајот на патниот правец Велес – Градско, кај крстосницата за село Ногаевци е нормализиран по прекин од речиси два часа.
