ПОСЛЕ ПОДОЛГО ВРЕМЕ, МАКЕДОНЕЦ НА ЧЕЛО НА „СКОПСКА ПИВАРА“ – Душан Митрев доаѓа на позицијата генерален менаџер на компанијата
Нашата најпозната компанија за производство на пиво и безалкохолни пијалоци, скопска „Пивара“, има нов директор, дознава Фактор.
Станува збор за Душан Митрев, кој информацијата дека е нов генерален директор на скопската пиварница, ја објави на својот профил на социјалната мрежа Linkedin.
„Јас сум среќен да споделам дека стартувам на новата позиција, како генерален менаџер во Пивара Скопје“, напиша Митрев на својот профил на Linkedin.
Ова е за прв пат после долги години Македонец да дојде на позицијата прв човек на скопска Пивара.
Досега на функцијата генерален директор на Пивара Скопје беше Горан Сладиќ, кој таа позиција ја презеде од први септември 2020 година. Пред него, пак, местото прв човек на Пивара Скопје го држеше Дан Тимотин.
„Пивара Скопје“ веќе 100 години е присутна на домашниот пазар на пиво и безалкохони пијалаци. Компанијата е дел од системите на Coca-Cola HBC и HEINEKEN N.V.
Н.Н.Ф.
