Поскапува патарината во Грција

Од нова година се зголемуваат патарините за автопатиштата во Грција, соопшти Министерството за транспорт на Грција

Планирано е цените постепено да се зголемуваат во следните 3 години. Во 2024 година растот ќе достигне 8 отсто. Така, со ова покачување, цената на патнички автомобил на делницата Солун – Атина ќе биде 34 евра, на линијата Атина – Патра – 13 евра, за Атина – Јанина 42 евра по автомобил.

Иако со одлуката на грчката влада на почетокот на годинава беше планирано зголемување на цената на патарините, поскапувањето беше блокирано со договор со компаниите кои ја одржуваат националната патна мрежа.

Од почетокот на следната година, пак, ќе се склучи нов договор со повисоки цени, прилагодени на индексот на инфлација, нагласуваат од Министерството за транспорт.