ПОСЕДУВА 700 МИЛИОНИ ЕВРА: Кој е најбогатиот човек на Балканот?
Самир Мане е најбогатиот човек на Балканот, „тежи“ 700 милиони евра, а многумина и не слушнале за него.
Кога како млад човек избегал од тогаш затворената и сиромашна Албанија во раните деведесетти, Самир Мане имал повеќе соништа отколку пари во џебот. Денес, три децении подоцна, тој се смета за еден од најбогатите луѓе не само во Албанија, туку и во целиот балкански регион – со имот проценет на над 700 милиони евра. Роден и израснат во комунистичка Албанија, Мане ја напуштил својата татковина во 1991 година и отишол во Австрија, тогаш рај за оние што бегале од социјалистичкиот блок. Тој не губел време таму – го започнал својот прв бизнис со увоз на електроника од Австрија во Албанија.
Неговата компанија „Нептун“, која започна како мала дистрибутивна мрежа, подоцна прерасна во водечки малопродажен синџир во регионот. Денес, Мане ја предводи групацијата „Балфин“ – конгломерат кој вклучува недвижности, малопродажба, логистика, рударство, па дури и банкарство. Неговиот најпознат проект, луксузниот комплекс „Грин Коуст Ризорт“ на јадранскиот брег на Албанија, привлекува инвеститори и туристи од целиот свет. Но, успехот не дошол случајно. Неговите бизнис тактики се базираат на агресивно инвестирање во недвижнини, препознавање на потенцијалот на пазарите што другите го игнорираат и неверојатен инстинкт за вистинскиот момент. Додека другите чекаа на стабилност во посткомунистичките земји, Мане купи земјиште и ја прошири својата мрежа. Неговиот модел на раст наликува на стариот: „Купувајте додека е евтино, доминирајте кога сите ќе дојдат“, раскажува Каматица.
