ПОПЛАВЕНИ ХОТЕЛИ И КУЌИ: Има жртви во Бугарија и Турција
Четворица загинати има во поплавите во Бугарија и Турција, а поплавени се хотели и куќи.
Двајца загинаа, а уште три лица се сметаат за исчезнати, објави бугарскиот телевизиски канал „БТВ“, повикувајќи се на властите.
Властите во градот Царево прогласија вонредна состојба откако реката Велека се излеа. Патиштата се поплавени, некои мостови се однесени, а неколку одморалишта се отсечени. Во Синеморец прекинато е снабдувањето со електрична енергија, а помалото село Кости е евакуирано. Властите во Царево ги повикаа луѓето да се преселат на повисоки места каде што е можно.
По поплавите на западот на Турција, пет луѓе се водат како исчезнати, меѓу кои и едно дете, јави државната новинска агенција Анадолија. Поплавите однесоа и бунгалови во одморалиштето во западната провинција Киркларели во близина на границите со Грција и Бугарија.
Обилни дождови вчера го погодија и градот Мугла во југозападна Турција, а гром предизвика пожари на 36 локации, јави Анадолија. Агенцијата за справување со катастрофи АФАД прогнозираше невреме во западниот и југозападниот дел на земјата, предупредувајќи за поројни поплави, удари на гром и силен ветер.
Невреме има и во Грција. Еден човек е пронајден мртов, а стотици куќи и патишта се поплавени во пристанишниот град Волос, во централна Грција, како резултат на бурата Даниел. Настрдаа 70 годишен сточар.
