Попладне дожд – дневната температура до 27 степени
ЕВРОПА – Во среда во најголем дел од Европа ќе доминира нестабилна воздушна маса која што ќе условува умерено облачно и нестабилно време со врнежи од дожд кои што ќе бидат проследени со засилен ветер. Локално во крајните северни предели како и на југ од Апенинскиот и Балканскиот полуостров умерено облачно време со повремени сончеви периоди.
БАЛКАН – На Балканскиот полуостров ќе преовладува умерено облачно и нестабилно време со врнежи од дожд, ветровито и посвежо време. Во крајните јужни и источни предели претежно сончево време со појава на локална облачност. Максималните дневни температури ќе се движат во интервал од 17 до 26 степени.
МАКЕДОНИЈА – Во Македонија во среда во утринските и раните претпладневните часови ќе преовладува претежно сончево време со појава на локална облачност, во попладневните и во вечерните часови нестабилно време со услови за слаби и локални врнежи од дожд. Услови за локални врнежи од дожд се очекуваат и во текот на ноќта среда кон четврток. Ќе дува доумерен засилен југоисточен и југозападен ветер кој што ќе достигне брзина до 30 км/ч. Минималните температури ќе се движат во интервал од6 до 14 степени, додека пак максималните дневни температури ќе достигнат до 18 односно до 27 степени.
МАКЕДОНИЈА 5 ДЕНА – Во Македонија во четврток ќе преовладува умерено облачно време со сончеви периоди и топло време. Минималната температура од 7 до 15 степени, додека пак дневната ќе достигне до 18 до 27 степени. Во петок умерено облачно време со сончеви периоди, во попладневните часови локално во северозападните и западните предели со услови за слаб локален дожд.Максималните дневни температури од 18 до 27 степени. Во сабота и недела во Македонија ќе преовладува претежно сончево време со појава на локална облачност и топло време. Минималните температури од 7 до 15 односно од 6 до 14 степени, додека пак максималните дневни температури ќе достигнат од 17 до 26 степени.
