ПОМАЛКУ РАБОТНИЦИ ВО РУДАРСТВОТО И ЕНЕРГЕТСКИОТ СЕКТОР! Еве ги најновите податоци за движењето на работниците во земјава
Бројот на работници во рударството и во енергетскиот сектор се намалил, но има пораст на бројот на работници опфатени во преработувачката индустрија.
Последните податоци на Државниот завод за статистика покажуваат дека бројот на работници вработени во индустријата, отприлка се задржал на слично ниво во август годинава како и во август минатата година.
Имено, индексот на бројот на работниците во индустријата во август
2023 година, во однос на август 2022 година, изнесува 101.3.
– Бројот на работниците во секторот Рударство и вадење на камен во август 2023 година, во однос на август 2022
година, бележи опаѓање од 1,7 проценти, во секторот Преработувачка индустрија пораст од 1,9 отсто, а во секторот Снабдување
со електрична енергија, гас, пареа и климатизација опаѓање од 5,9 проценти – пишува во анализата на ДЗС.
Според главните индустриски групи, бројот на работниците во индустријата во август 2023 година, во однос на
август 2022 година, бележи пораст кај Капитални производи за 13,5 отсто, додека опаѓање бележи кај Енергија за
4,6 проценти, Интермедијарни производи, освен енергија за 3,9 проценти, Tрајни производи за широка потрошувачка за 5,8 отсто и
Нетрајни производи за широка потрошувачка за 1 процент.
Што се однесува пак на периодот од почетокот на годината, индексот на бројот на работниците во индустријата во периодот јануари – август 2023 година, во однос на периодот
јануари – август 2022 година, изнесува 100.9.
