Полни албулантите во „Козле“: 150 прегледи дневно поради вируси и кашлици, грип сè уште нема

Покачена температура, растечен нос, кашлање и разни бактериско-вирусни инфекции кај децата ги полнат амбулантите во клиниката „Козле“.

Лекарите информираат дека во моментов се вршат од 120 до 150 прегледи во рок од 24 часа. Сепак, тие посочуваат дека грип сè уште не е регистриран , а бројките се далеку од оние што се бележат во пикот на сезоната на грип, кога има и над 200 прегледи дневно.

Директорката на Клиниката, Катерина Бошковска, вели дека вакцината против сезонски грип би ги заштитила децата со кревко здравје.

Во моментот, на болничко лекување се задржани околу педесетина деца. Бошковска додава дека меѓу хоспитализираните има деца од сите возрасти.