Полицијата го уапси таткото на детето кое во Лукавац тешко рани наставник
Порталот Аваз објави дека е уапсен таткото на момчето кое денеска пукаше и повреди наставник во Лукавац, Босна и Херцеговина (БиХ).
Тој е сослушан во полициската станица Лукавац, каде ги образложил сите околности поврзани со овој настан и ќе биде предаден на Обвинителството на кантонот Тузла. Обвинителството даде детали за немилиот настан кој го изврши малолетник.
„Станува збор за лице кое сè уште нема 14 години. Роден е на крајот на јуни 2009 година. Приведен е во ПУ Лукавац. Тој испукал неколку куршуми во наставникот. Откако испукал неколку куршуми во наставникот и го застрелал со еден истрел, тој го фрлил пиштолот, кој бил пронајден на училишниот терен и ќе биде предмет на вештачење Дежурниот обвинител истрагата ја води на терен во соработка со Одделот за криминалистичка полиција на Министерството за внатрешни работи и ОКП на ПУ Лукавац“, информираа од обвинителството и потврдија дека момчето не може кривично да одговара.
Полициски службеници по наредба на надлежен суд и наредба на Обвинителството вршат претрес во семејната куќа во Лукавац.
Дино Османовиќ, политичар од Лукавац, по крвопролевањето ги објави преписките и предупредувањата што ги напишал токму поради заканите на ученикот, но никој не преземал мерки. Наставникот е опериран, но е во животна опасност.
Од 3-ти мај наваму, откако дете изврши масакр во училиште во Белград, во регионот имаше бран насилни инциденти и закани за извршување на масакри.
фото Радио телевизија Лукавац
