Почина највозрасниот фудбалер во Македонија, Томислав Јурак!

Во Битола, на 95-годишна возраст, по кратко боледување, почина Томислав Јурак, поранешен фудбалер на Пелистер и највозрасниот жив фудбалер во Битола и Македонија.

Јурак му се приклучил на фудбалскиот клуб Работник во 1956 или 1958 година, по враќањето од Белград. Играл како напаѓач, познат по својата ефикасност, а неговиот најубав гол го постигнал токму во Битола, под Тумбекафе, со атрактивен удар „маказици“, со кој ја затресол мрежата на противникот. Покрај играчката кариера, во неколку наврати бил дел и од стручниот штаб, пренесувајќи го своето искуство на помладите генерации.

Последното простување од Томислав Јурак ќе се одржи денес во 14 часот на Буковските гробишта.

Неговото тело ќе биде изложено од 12 часот во црквата „Св. Димитрија“ во Битола.