ПОЧИНА КОНТРОВЕРЗНИОТ ДРАГАН МАРКОВИЌ ПАЛМА, БИЛ СОРАБОТНИК НА АРКАН: Српскиот политичар го тресеа бројни афери

По кратко
боледување, синоќа на 65-годишна возраст починал Драган Марковиќ Палма, поранешниот градоначалник на
Јагодина и претседател на собранието на тој град. Како што пишуваат српските медиуми, овој политичар во текот на неговиот
живот, бил поврзан со бројни
афери. Имено, во април 2021 година, потпретседателката на Партијата на слободата
и правдата, Мариника Тепиќ, го обвини дека „заедно со коалиционите партнери
подведувал жени и девојки“. Марковиќ ги негираше обвинувањата

Српската јавност го
памети и по тоа што во 2018
година му гостуваше на покојниот градоначалник на Загреб Милан Бандиќ, тема на
средбата беше соработката меѓу Загреб и Јагодина и Хрватска и Србија.

Палма своевремено тесно соработуваше со Жељко Ражнатовиќ
Аркан, водачот на четничките и паравоените единици, со кого во 1993 година ја
основа Српската партија за единство.

– Немав никаква врска со војната во Хрватска. Јас не го
финансирав Аркан, како што тврдат некои. Не бев меѓу војниците, а во политиката влегов дури во 1995 година, по
војната – гласи една од неговите
изјави.