По трагедијата ме викнаа да извршам увид, а денеска сум обвинет, вели градежниот инспектор Гоцев: Не сум имал надлежност да вршам контрола

„Вечерва кога се случи трагедијата, јас веднаш бев во болницата со полицијата и војската. Ги носевме повредените и починатите. Тоа е момент кој не можам да го заборавам.“

Со длабоки емоции и тврдење дека ќе зборува „тивко, но вистинито“, пред судскиот совет се обрати обвинетиот Николчо Гоцев, градежен инспектор во Општина Кочани. Тој се претстави не како криминалец, туку како човек кој таа ноќ помагал до доцна, а подоцна станал „жртва на системска слабост“.

Гоцев изнесе сериозно обвинување кон истражните органи. „Во текот на испрашувањата, инспекторите од МВР велеа: ’Не е можно да нема никој виновен од општината, мора некој да има‘. Зборуваа дека некој мора да ја понесе одговорноста пред јавноста,“ рече тој, алудирајќи дека е избран за обвинет само за да се задоволи јавниот притисок.

Во своја одбрана, Гоцев, кој е онколошки пациент, тврди дека законски му се врзани рацете. „Градежниот инспектор не контролира внатрешен ентериер, ниту мерки за заштита од пожар. Законот за инспекциски надзор не дозволува да се влезе во објект без писмен налог или пријава. Инспектор кој нема налог, ако влезе, ќе одговара кривично,“ се бранеше Гоцев.

Тој додаде дека дискотеката почнала да работи 7 години пред неговото вработување и праша: „Ако стотици објекти не ги исполнуваат условите, дали тоа значи дека стотици градоначалници и инспектори треба да бидат обвинети?“

Гоцев откри и дека поднел кривична пријава за друг објект со сериозен ризик во Кочани, но таа била одбиена од истите органи кои сега го гонат него.

(Според Обвинителниот акт КО бр. 180/2025)

Николчо Гоцев (44) се товари за кривично дело „Тешки дела против општата сигурност“.

Како овластен градежен инспектор во Општина Кочани од 2019 година до трагедијата, обвинителството го товари за следново: