По пет дена штрајк, Ајфеловата кула повторно ги пречекува туристите
Ајфеловата кула, која пет дена беше затворена за посетители поради штрајкот, ќе биде отворена утре.
Затворањето на главната атракција на Париз фрустрира илјадници посетители, главно странци.
Пет месеци пред Олимписките игри во Париз (26 јули – 11 август), синдикатите сакаат да го принудат градскиот совет да го промени начинот на управување со Ајфеловата кула и да ги зголеми платите на вработените во согласност со обемот на работа.
И покрај тоа, беше постигнат договор со синдикатот, соопшти денеска компанијата СЕТЕ која стопанисува со тој симбол на Париз.
Како што беше речено, предвидено е преку телото што ќе заседава на секои шест месеци, да се следи економскиот модел, како напредуваат инвестициите во работите и приходите на компанијата.
