По два часа борба: 170 пожарникари контролираа пожар во болница во близина на Виена, има загинати
Три лица загинаа во пожар во болница во Австрија, пренесе АФП. Причината за пожарот се уште не може да се утврди, изјави портпаролката на болницата, која се наоѓа на околу 14 километри од Виена.
Според соопштението на регионалната здравствена агенција, пожарот избувнал во болницата околу 1 часот по полноќ по локално време.
Властите соопштија дека 33 возила, 170 пожарникари и екипа на Црвениот крст биле испратени да го изгаснат пожарот, кој по два часа бил ставен под контрола.
Неповредените пациенти се префрлени во други медицински установи и покрената е истрага, велат оттаму.
