По 32 години извлечен новогодишниот џекпот: Освоената сума ќе ви ја врти главата!
Ова е петта највредна победа во историјата на Powerball
Тикетот на Американската државна лотарија за играта Powerball (кој е идентичен со нашето Лото) ја доби главната премија во новогодишното извлекување во вредност од 842,2 милиони долари!
Добитниот тикет е продаден во гратчето Гранд Блан, кое има само околу 8.000 жители во државата Мичиген, а е петти највреден џекпот во историјата на Пауербол, пренесува Си-Ен-Ен.
Според соопштението на американската државна лотарија, среќниот добитник „кој ќе влезе во новата година како мултимилионер ќе може да се одлучи за еднократна исплата на добивката од 425,5 милиони долари пред даноци“, или да се договори за еднакво годишни исплати на добивките.
Очекувањето на голема добивка доведе до рекордна продажба на лото тикети, па така проценетата вредност на добивката (810 милиони) беше значително надмината.
„Ова е првпат да биде извлечен победник на новогодишната ждрепка од почетокот на Powerball во 1992 година“, се вели во соопштението.
Инаку, оваа награда е втора по големина извлечена награда во државата Мичиген: пред тоа, во јануари 2021 година, беше извлечена награда од 1,05 милијарди долари во играта Mega Millions.
Покрај главната награда од 842,2 милиони долари, билети од 1 милион долари се продадени во Калифорнија, Конектикат, Флорида и Мериленд, додека два билети продадени во Тексас и Флорида ќе добијат по 2 милиони долари.
Пред новогодишното извлекување, џекпотот беше извлечен на 11 октомври минатата година во Фрејзер Парк, Калифорнија. Тој билет освоил 1,76 милијарди долари, но се уште никој не ја добил наградата. Среќниот добитник има рок до 11 октомври годинава да се јави во американската државна лотарија. Доколку тоа не се случи, парите ќе бидат распределени на државните училишта во Калифорнија.
