Пијан Босанец се закани дека ќе предизвика поголема трагедија од таа во Србија
Маж од Бановиќ во БиХ најави масакр како тој во Белград, а полицијата двапати го приведуваше и го ослободуваше.
„Ш.С. синоќа сам се пријави во полициска станица. Тој се закануваше дека ќе ги нападне сопругата и децата, кога ќе има прилика. Тие пак, во меѓувреме го оставиле тој ден. Тој е лишен од слобода за прекршокот „нарушување на јавен ред и мир“, велат од полицијата.
Човекот бил под дејство на алкохол. Во таа прилика го нарушил јавниот ред и мир, со груби навреди кон полициските службеници и со дрско однесување.
По отрезнување, полицајците го пуштиле од службените простории. После тоа на социјалните мрежи е забележана снимка за која повторно била известена обвинителката.
„Повторно е сослушан како осомничен и наредено е да се документира кривичното дело „загрозување на сигурноста“. Но, тој не е лишен од слобода поради основано сомнение, туку наредени се дополнителни проверки, а во наредниот период, согласно договорот со обвинителот, ќе биде поднесена соодветна пријава“, велат од полицијата.
Тој во видеото рекол дека ќе има поголема трагедија отколку што беше во Србија. Инаку, пред неколку дена и момче од Бихаќ се закани дека ќе направи масакр во училиште, по што полицијата го уапси.
Во Србија, полицијата уапси маж кој се закани дека ќе ги убие сите во Рума. Настаните во Србија го вознемирија Балканот.
