Петковиќ: Србија во минатото не се плашеше ниту од поголеми насилници од Албин Курти
Koсово обвинува дека Србија е закана за безбедноста, а Србија го тврди спротивното.
Директорот на Канцеларијата за Косово и Метохија при српската Влада, Петар Петковиќ, порача дека Србија не „плаши ни од поголемите насилници“ од Албин Курти, нагласувајќи дека тоа е одговорот на сите негови сонувања за Голема Албанија и за некакво де факто или де јуре признавање од страна на Србија, јави дописникот на МИА од Белград. Петковиќ рече дека косовскиот премиер Албин Курти е најголемата безбедносна закана за регионот и се додека тој е на позиција на моќ, никој на Западен Балкан нема да може да спие мирно.
„Србија е мирољубива, но не е слаба, и во минатото не се плашеше ниту од поголеми насилници од Албин Курти и ова е одговор на сите негови соништа за Голема Албанија и некакво де факто или де јуре признавање од Србија“, велат од Канцеларијата.
Курти во Париз изјави дека Косово се соочува со безбедносни закани од странство, особено од Србија.
„Колку побрзо ги нормализираме односите со де јуре и де факто признавање, толку подобро за сите“, кажа Курти.
Косовската министерка за правда Аљбуљена Хаџиу денеска изјави дека претседателката на Косово, премиерот и претседателот на Собранието, Вјоса Османи, Албин Курти и Гљаук Коњуфца подготвуваат тужба за геноцид против Србија. Оваа година имаше повеќе инциденти на Косово, а најголем беше нападот во Бањска каде вооружена српска група уби косовски полицаец, но загинаа и четири члена на групата.
