Партизан најде тренер до крајот на годината, за потоа ќе се размислува дополнително

Искусниот стручњак нема лиценца поради што можеше да го води тимот само на два натпревара, како што и се случи. Ги победи Раднички Ниш со 3-1 и Железничар со 1-0 по што раководството одлучи да остане на клупата и во последните три меча, против ИМТ, Спартак и повторно против Раднички, но во Ниш. Со оглед на тоа што Јовановиќ нема лиценца, јасно е дека Партизан ќе плаќа казна за секое негово водење на тимот, но од клубот сметаат дека и тоа повеќе им се исплати, отколку да носат нов тренер кој би бил избрзано и изнудено решение.

За евентуалниот наследник на Јовановиќ ќе се размислува во текот на зимската пауза кога ќе се направи и реконструкција на играчкиот кадар. Партизан во 2024 година веќе смени четворица тренери и се наоѓа во хаотична состојба, но новото раководство најави средување откако ќе заврши есенската полусезона.