Партизан и Црвена Звезда далеку пред другите во Евролигата
Европската кошаркарска организација ја објави листата на своите учесници по бројот на гледачи на нивните натпревари, а српските гиганти се далеку пред конкуренцијата. Партизан на домашен терен просечно го гледаат 19.801 посетител, а Звезда 18.888. Далеку зад нив е третопласираниот Жалгирис со помалку од 15 илјади гледачи на своите натпревари.
Евролига се пофали и со зголемениот просек на гледачи на своите натпревари кој првпат во историјата ја надмина границата од 10 илјади. Сепак, дури и тоа се должи на српските клубови, особено на фактот што Црвена Звезда оваа сезона одлучи да ги игра своите натпревари во белградската Арена која има речиси три пати поголем капацитет од Пионир каде што играше лани.
