Јовески изненаден: Вулгарно е да е повлечен предлогот без да се наведат основни причини за тоа
Екс државниот јавен обвинител кој беше кандидат за избор на уставен судија, Љубомир Јовески, за кого денеска од Собранието информираа дека е повлечен предлогот, вели дека е изненаден од тоа предлогот да е повлечен без да се наведат основни причини за тоа.
„Изненадувачки, вулгарно беше тоа дека предлогот е повлечен без да се наведат основни причини за тоа. Пристојно е да се дадат два три збора. Нанесена ми е штета, ако не сметале дека може процесот до крај да го водат, не требало да ме предлагаат, бидејќи бев изложен на непотребни напади“, вели Јовески во изјава за МИА.
Тој сметал дека процесот е завршен, бидејќи веќе година и половина не се покренувало ништо.
„Бидејќи таа работа година и пол не се покренуваше пред Комисјата за избор и именување сметав дека е завршено, односно дека нема ништо од предлогот за уставен судија, затоа што тие ако сакаа да го завршат тоа имаа време и можности“, додава тој.
