Откриен птичји грип кај пингвините ги зголемува стравувањата за Антарктикот
Смртоносниот птичји грип за прв пат е откриен кај субантарктичките пингвини, објави Научниот комитет за проучување на Антарктикот.
Веста предизвикува загриженост дека вирусот може да се прошири во колониите на пингвини на Антарктикот, пренесува Ројтерс.
Научниците пронајдоа 35 мртви пингвини на Фолкландските Острови, источно од Аргентина, на 19 јануари. Примероците земени од два пингвини биле позитивни на Х5Н1.
Нивната смрт потврдува дека субантарктичките пингвини се подложни на екстремно смртоносна болест. Сепак, овие пингвини ретко патуваат помеѓу Фолкландските Острови во близина на брегот на Аргентина и Антарктичкиот Полуостров, кој е на околу 1.300 километри на југ.
Тоа значи дека е малку веројатно дека патувачките пингвини ќе ја пренесат инфекцијата на јужниот континент, рече Ралф Ванстрилс, истражувач од Универзитетот во Калифорнија, Дејвис.
Стотици илјади пингвини се собираат во колонии на антарктичкиот континент, што би можело да овозможи смртоносниот вирус лесно да се пренесе меѓу поединци.
