Османи: Му се јавив на Ахмети да му кажам што изјавил Мицкоски, се насмеа и ми рече: Прифаќаме веднаш!
Министерот за надворешни работи и портпарол на ДУИ, Бујар Османи на ТВ21 проговори и за барањето на ВМРО-ДПМНЕ за влез во Влада, во која нема да биде дел и политичката партија ДУИ.
Османи додава дека тоа било и за него изненадување, а откри и дека му се јавил на лидерот на ДУИ, Али Ахмети, кој бил на состанок и не ја имал слушнато изјавата на Мицкоски.
„Му кажав дека Мицкоски прифаќа уставни измени, но има еден услов – ДУИ да биде надвор од Владата. Тој се насмеа и ми рече: Прифаќаме веднаш. И тоа е нормално, затоа што ние работиме со месеци, за да земјата оди напред“, вели Османи.
