Официјално: ЕВН Хоме ќе купува струја од ЕСМ по иста цена
ЕВН Хоме на тендерот за набавка на електрична енергија на регулираниот пазар за домаќинства и мали потрошувачи и за периодот јули-декември 2025 ќе купува струја од АД ЕСМ по иста цена како и досега.
Купопродажната цена на електрична енергија останува 62 евра за мегаватчас, за покривање на 100 отсто од вкупно планираните количини, соопшти универзалниот снабдувач.
– Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметр, објави компанијата.
По ова не се очекуваат промени на крајната цене по која ќе им се фактурира на потрошувачите. Тука влегува уште и цената на преносниот систем оператор МЕПСО, цената на операторот на пазар на електрична енергија МЕМО, како и цената на операторот на дистрибутивната мрежа ЕВН Електродистрибуција.
