Од полноќ поевтинува дизелот и мазутот – цените на бензините остануваат исти
По серијата поскапувања, од полноќ доаѓа мало олеснување за возачите. Цената на дизелот се намалува за 2,5 денари и ќе изнесува 70,5 денари за литар, наместо досегашните 73 денари.
Намалување има и кај мазутот – цената се коригира надолу за 1,5 денар и ќе изнесува 40,2 денари за килограм, од досегашните 41,7 денари.
Цените на останатите горива остануваат непроменети. Литaр екстра лесно масло за домаќинство и понатаму ќе се продава за 72 денари. Бензинот „Супер 95“ останува 77,5 денари, додека бензинот „Супер 98+“ изнесува 79,5 денари за литар.
Новите цени стапуваат на сила од полноќ.
