Од целосна тајност до отвореност: Како ракот на Чарлс Трети ја промени ПР стратегијата на кралското семејство?
Луѓето од целиот свет, медицинските работници и кралските чувари реагираа огромно позитивно откако кралот Чарлс III излезе во јавноста со неговата дијагноза за рак.
Во последните денови, коментарите на лекарите, како и насловите во медиумите, го пофалија кралот што избрал да ја извести јавноста.
„Храброто лице на кралот“
Слични наслови може да се забележат и на насловните страници на британските медиуми. Други тоа што се случи го нарекуваат „модерна монархија“ и „ново лице на британската монархија“. Медиумите на Островот, дури и оние кои спаѓаат во категоријата таблоиди, истураат суперлативи на Чарлс Трети.
Слична е и реакцијата на медицинските работници.
„Се што може да ги направи мажите поинформирани, да зборуваат за своето здравје е добредојдено. Ова е најтешката работа во лекарската професија, бидејќи мажите едноставно не сакаат да зборуваат за своето здравје. Ги закопуваме главите во песок за сè“, изјави д-р Џеф Фостер, специјалист за машко здравје, за Би-Би-Си.
„Одлуката да се сподели оваа вест за здравјето на кралот со светот е крајно великодушна. Сите добротворни организации за борба против ракот во моментов го гледаат Чарлс Трети како свој херој“, коментира Иан Шевард, основач на Cancer United. Тој додава дека дијагнозата на рак не е лесно да се знае и поради оваа причина многу луѓе одбиваат да ја споделат.
Чарлс III добро ги знае проблемите на болните од рак
Британскиот крал е еден од основачите на Институтот за рак Паундбери – центар кој има за цел да го подобри животот на пациентите со рак и врши високотехнолошки истражувања за лекови.
Директорот на центарот, д-р Корадо Д’Арихо, е категоричен дека достигнувањата на центарот во изминатите 10 години немаше да бидат исти без поддршката на Чарлс III.
