Обезбедувањето на Мицкоски давал информации на Грчец
Ангел Сарамаков од Велес, полицаец и член на обезбедувањето на премиерот, бил уапсен на паркинг пред хотел во Велес. При претрес на неговото возило бил пронајден ранец со службени материјали од МВР. Дополнителните претреси на повеќе локации резултирале со заплена на електронски уреди, службени документи и други предмети значајни за истрагата.
На Ангел ќе му биде поднесена кривична пријава за делото „оддавање службена тајна“.
Се тврди дека тој со службените тајни тргувал со лица од кланот Грчец.
Ангел повеќе пати бил пријавуван кај внатрешната контрола, бил деградиран, а лично се жалел и во Државната комисија за спречување дискриминација. До април 2024 при СВР Велес тој работел како виш инспектор по имотни деликти, а од април како инспектор за увиди во крим техника.
