NVIDIA ОЧЕКУВА ЗАГУБА ОД 5,5 МИЛИЈАРДИ ПОРАДИ ЦАРИНИТЕ НА ТРАМП: Џенсен Хванг итно пристигнал во Пекинг
Извршниот директор на американската компанија Nvidia, Џенсен
Хванг денеска пристигна во Пекинг на покана на Кинескиот совет за промоција на
меѓународната трговија, и покрај ограничувањата на САД за извоз на чипови што
ги произведува компанијата.
Според Ројтерс, неговата посета доаѓа во време на засилени
трговски тензии меѓу САД и Кина, откако администрацијата на Доналд Трамп воведе
високи царини и дополнителни извозни контроли на производи како што е чипот H20
на Nvidia.
Nvidia вчера соопшти дека очекува финансиска загуба од 5,5
милијарди долари во тековниот квартал откако администрацијата на Трамп ја
забрани продажбата на напредни чипови со вештачка интелигенција на Кина.
Nvidia рече дека нејзиниот чип H20 AI, кој е специјално
развиен за кинескиот пазар во согласност со американските извозни ограничувања,
во иднина ќе бара посебна лиценца за извоз, што практично ќе го спречи да се
продава во Кина „на неодредено време“.
Како што е наведено, американската влада ја оправда оваа
мерка како чекор кон спречување на употребата на чипови во кинеските
суперкомпјутери, како дел од пошироката стратегија за сузбивање на кинескиот
напредок во вештачката интелигенција.
