НУДЕЛЕ СТИПЕНДИИ: Бошњачките партии во Косово се жалат дека Бугарија сака да ги асимилира
Бошњачките партии во Косово се жалат дека Бугарија сака да ги асимилира.
Тврдат дека им нуделе да се потпишат на документи дека се Бугари, па на тој начин им се отворал патот до студии и стипендии во Бугарија. Во истражување на Радио Слободна Европа, повикувајќи се на сведоштва од припадници на бошњачката заедница на Косово, пишува дека документите со променети податоци ги добивале од локалци. Сепак, комуникацијата со бугарските власти за пријавување на студенти од Косово на Универзитетите во Бугарија постоела уште од пред повеќе години.
Н.Н. од околината на Призрен, припадничка на босанската заедница, вели дека пред неколку години потпишала „документ“ со кој потврдува дека некој од нејзиното семејство има бугарско потекло, за да ја искористи можноста да студира во Бугарија, пишува Радио Слободна Европа (РСЕ) во опширната репортажа под наслов „Бугарска заедница во Косово „во создавање“, институциите молчат“.
На пописот во Албанија испадна дека има повеќе Бугари од Македонци. Здруженијата на Македонците обвинија дека Бугарите лобирале и нуделе привилегии со цел Македонците да се изјаснат како Бугари. Инаку, претходно бугарскиот европратеник Ангел Џамбаски тврдеше дека на Косово има Бугари.
foto Wikipedia/PetritIbrahimi
