Нови проблеми за Челси: Крај на сезоната за Маунт и за Џејмс!
Рис Џејмс и Мејсон Маунт нема да играат до крајот на сезоната, соопшти привремениот тренер Френк Лампард на денешната прес-конференција, пред натпреварот со Брентфорд, утревчер на „Стемфорд Бриџ“.
„Џејмс ќе биде недостапен до крајот на сезоната. Маунт исто така, иако можеби ќе го одигра последниот меч, но мали се шансите. Тоа е разочарување за нас. Каи Хаверц уште се мачи со коленото, но би требало да ни биде на располагање до крајот на сезоната“, изјави Лампард.
Џејмс има повреда на бутниот мускул, а Маунт на стомакот, па Лампард ќе мора да ги меува со некој од широката лепеза фудбалери кои му се на располагање. Утрешниот дуел со Брендфорд ќе биде шанса за прва победа на легендата на Челси, откако се врати како тренер, на 6 април. Оттогаш има четири меча – по два во Англија и во ЛШ – и претрпе четири порази.
