Нови правила за државна помош од 1 јануари: Поддршка само за инвестиции над 100.000 евра во преработувачката индустрија
Од 1 јануари 2026 година, стапуваат на сила новите правила за доделување државна помош, со кои значително се менува рамката за финансиска поддршка на инвестициите. Како што соопштија од Министерството за економија и труд, целта е да се поттикнат поквалитетни инвестиции, да се отворат одржливи работни места и да се зголеми продуктивноста во економијата.
Според новите измени, кои беа усвоени во август, а ќе се финализираат до крајот на годината, се воведуваат два клучни критериуми:
Со новите законски решенија, прецизно се исклучуваат повеќе сектори кои досега можеби користеле поддршка. Финансиска помош повеќе нема да се доделува на субјекти со дејност во:
„Нашата цел е преку новите мерки да поттикнеме инвестиции со поголема додадена вредност – инвестиции кои ќе ја развиваат производствената индустрија, ќе воведат нови технологии и иновации и ќе создаваат одржливи работни места“, велат од Министерството за економија и труд.
Од таму очекуваат дека овие измени ќе придонесат кон забрзан економски раст, повисок животен стандард, повисоки плати и пониска инфлација.
Новина е што Министерството за економија и труд ќе има водечка улога во целата постапка – од евалуација и потпишување на договорите, до следење на нивната реализација. Според нив, на овој начин се обезбедува континуитет, контрола и отчетност во користењето на јавните средства.
„Министерството останува посветено на создавање предвидлива и поддржувачка бизнис-клима, во која секој инвеститор – домашен или странски – ќе има сигурност дека државата стои зад него“, се вели во соопштението.
