НОВИ МЕРКИ ПО ПОЖАРОТ ВО ТРУБАРЕВО: Се испитува водата за пиење од бунарите, децата од локалното училиште да не излегуваат надвор
Министерството за животна средина и просторно планирање воведе низа итни мерки за заштита на здравјето на граѓаните по пожарот во магацинот за електронски отпад „Ф-групација“ во Трубарево. Во фокусот се испитувањето на водата за пиење од околните бунари и заштитата на учениците од локалното основно училиште.
Како што соопштија од Министерството, по препорака на Државниот инспекторат за животна средина, до Институтот за јавно здравје е испратено барање за итна анализа на водата од бунарите што ги користат домаќинствата во непосредна близина на опожарениот објект.
Истовремено, до Основното општинско училиште „Крум Тошев“ во Трубарево е испратена препорака да се ограничи движењето на учениците на отворен простор, односно тие да не излегуваат во училишниот двор сè додека состојбата со воздухот не се стабилизира.
Меѓу останатите мерки се и:
Од Министерството, во соработка со владиниот Кризен штаб, апелираат до граѓаните внимателно да ги следат официјалните соопштенија и да ги почитуваат насоките од надлежните институции со цел да го заштитат сопственото здравје.
