Новата рунда разговори меѓу Русија и САД откажана на иницијатива на американската страна

Нова рунда руско-американски разговори за „точките на несогласување“ во билатералните односи е откажана на иницијатива на американската страна, соопшти денес портпаролката на Министерството за надворешни работи на Русија, Марија Захарова.

„Во моментов, следната средба во рамките на билатералните консултации за решавање на проблемот, со цел нормализирање на работата на дипломатските мисии на двете земји, е откажана на иницијатива на американските преговарачи“, се вели во одговорот на Захарова објавен на веб-страницата на руската МСП, а објавен од руската новинска агенција Интерфакс.

Првата рунда разговори меѓу Русија и Соединетите Американски Држави се одржа кон крајот на февруари во Истанбул, додека втората се одржа на 10 април, во истиот град.