НОВА ТЕХНОЛОГИЈА: Њујорк бара воведување ограничувачи на брзина
Њујорк би можел да стане првата американска држава која ќе имплементира технологија за ограничување на брзината во сите возила.
Државниот сенатор Ендрју Гунардес и пратеничката Емили Галагер воведоа предлог-закон за справување со опасното однесување на возачите кои постојано ги прекршуваат сообраќајните закони, пишува CarBuzz.
Предложената легислатива ги таргетира возачите кои добиле шест или повеќе казни за брзо возење, поминале на црвено светло во рок од една година или акумулирале 11 погрешни поени во рок од 18 месеци.
Овие возачи се предмет на судски налог со кој се наложува инсталирање на уреди за „контрола на брзината“ во нивните автомобили. Регулаторот би ја ограничил брзината на возилото на 50 km/h. Казната се издава кога возачот ќе помине со 15 km/h над поставената граница.
Оваа драстична мерка е слична на уредите за блокирање на стартот на автомобилот кога возачот е пијан, односно возачот не може да го стартува автомобилот без да помине алкотест.
Њујорк, исто така, би можел да стане првата држава што ќе имплементира технологија за ограничување на брзината во сите возила. Минатата година, пратениците воведоа закон со кој се бара сите автомобили над 3.500 евра да бидат опремени со ограничувачи на брзината.
