Нов состав на УО на ВВ „Тиквеш“, Јане Јаневски претседател на Надзорен одбор
Винарската визба „Тиквеш“ ја извести „Македонска берза“ дека е одреден нов состав на Управниот одбор на акционерското друштво, а за претседател на Надзорниот одбор е избран Јане Јаневски, синот на Светозар Јаневски.
„Со Одлука од седница на Надзорен Одбор, поради истек на мандатот се констатира престанок на функциите на членовите на Управниот одбор на Друштвото и се именува нов состав на Управниот одбор на Акционерско друштво за производство и промет на вино ВИНАРСКА ВИЗБА-ТИКВЕШ експорт –импорт АД-Кавадарци и тоа:
- Светозар Јаневски – Претседател на Управен одбор
- Искра Клинкарова – Член на Управен одбор
- Драган Тилев – Член на Управен одбор
- Коце Ивановски – Член на Управен одбор
Со Одлука од седница на Надзорен Одбор, Јане Јаневски е избран за Претседател на Надзорниот одбор на Акционерско друштво за производство и промет на вино ВИНАРСКА ВИЗБА-ТИКВЕШ експорт –импорт АД-Кавадарци.“, извести ВВ „Тиквеш“.
