НОВ ПРОТЕСТ ЗА НЕСРЕЌАТА ВО НОВИ САД: Српските граѓани дадоа рок од седум дена да се исполнат барањата
За несреќата која на 1 ноември се случи во Нови Сад, каде загинаа 14 луѓе откако се урна натстрешница на Железничка станица, во Белград вечерва пак имаше протест.
„Нема среќа без слобода, нема слобода без правда“, „Оставка до сите“ се паролите на граѓаните.
Организаторите на вечерашните протести во Белград, по повод несреќата во Нови Сад, најавија дека доколку не се исполнат барањата во рок од седум дена, ќе продолжат да се борат на улица и ќе бараат седница на српското Собрание за импичмент на Владата како единствена точка на дневен ред.
Опозицијата бара оставки од премиерот Милош Вучевиќ и градоначалникот на Нови Сад Милан Ѓуриќ, како и објавување на сите тајни договори поврзани со реконструкцијата на Железничката станица во Нови Сад.
Во несреќата загина и македонскиот научник Васко Саздовски.
