Норвешки „Еквинор“ го истисна „Газпром“ и оствари рекордна добивка
И норвешкиот гигант за нафта и гас „Еквинор“ ја заврши годината со највисок профит во својата историја. Компанијата, во мнозинска сопственост на норвешката држава, го смени рускиот Газпром како водечки дистрибутер на природен гас во услови на оштетени гасоводи и западните санкции против Русија.
Компанијата најголемиот дел од својот профит го остварува во Норвешка, каде нафтените компании плаќаат даноци по стапка од 78 проценти. Норвешката „Еквинор“ ја затвори 2022 година со најголем профит од своето основање, приклучувајќи им се на голем број компании кои претходно објавија рекордни резултати благодарение на силниот раст на цените на гасот и нафтата, пренесува „Ројтерс“.
Нето добивката на Equinor е 28,7 милијарди долари минатата година и е три пати поголема од 2021 година и највисока од основањето на компанијата. Прилагодената оперативна добивка се удвои во однос на претходната година, скокајќи на рекордни 74,9 милијарди долари. Претходниот рекорд, поставен во 2008 година, изнесуваше 36,2 милијарди долари, а беше поттикнат од рекордната цена на нафтата од Северното Море.
Еквинор лани произведе два отсто помалку нафта и гас отколку во 2021 година, вкупно 2,04 милиони барели нафтена еквивалент на ден, но оваа година очекува производството да се зголеми за три отсто.Производството на гас на полињата во Норвешка се зголеми минатата година за осум отсто, додека производството на нафта се намали за шест отсто, покажува деловниот извештај на Equinor.
