Ниту една партија нема да го номинира: Путин ќе мора сам да собере потписи и да се кандидира!
Владимир Путин нема да биде кандидат на партијата на изборите за претседател на Русија, туку ќе собира потписи.
Ова го изјави лидерот на партијата „Праведна Русија“, Сергеј Миронов, по состанокот на иницијативната група за кандидатурата на Владимир Путин за шеф на државата.
„Денеска на состанокот на Организациониот одбор ќе биде соопштено дека нема да биде предложен од ниту една партија, ниту Единствена Русија, ниту нашата партија. Тој ќе собира потписи“, рече тој.
Тој додаде дека „Праведна Русија“ ќе собира потписи заедно со „Народен фронт“.
Рускиот претседател Владимир Путин претходно во разговор со еден од добитниците на државната награда за подвизи во специјалната воена операција во Украина изјави дека има намера да се кандидира за нов претседателски мандат.
Сегашните овластувања на рускиот претседател истекуваат на 7 мај следната година.
Изборите за претседател на Русија ќе се одржат од 15 до 17 март 2024 година.
