Николоски предупредува: Купувајте само готови станови за да не останете и без пари и без имот
Министерот за транспорт Александар Николоски упати сериозно предупредување до граѓаните да бидат исклучително внимателни при инвестирањето во недвижности. Тој советува да се купуваат само веќе изградени станови кои имаат имотен лист и употребна дозвола, за да се избегне ризикот од недовршени објекти поради можен недостиг на средства кај инвеститорите.
Николоски изрази загриженост дека на пазарот постои шпекулација која може да доведе до ситуација одредени инвеститори да не можат да ги реализираат започнатите проекти. Министерот појасни дека државата нема механизми за директна интервенција во вакви случаи, со оглед на тоа што инвеститорите градат со важечки дозволи и платени комуналии, но ризикот останува кај купувачите доколку објектот физички не е завршен.
Според него, цените на метар квадратен се користат шпекулативно, особено во Скопје, Тетово, Штип, Струмица и Охрид. Тој нагласи дека е невозможно да се донесе мерка која директно би ја намалила цената на квадратот, бидејќи пазарот го диктира поскапувањето.
Како поддршка за граѓаните, министерот ги издвои следните мерки:
Николоски посочи дека додека цените растат во неколку урбани центри, имотите во остатокот од државата се обезвреднуваат, што придонесува за засилена внатрешна миграција и дополнителна централизација на државата.
